नामामृत उजळणी

[sachinikam]

नामामृत उजळणी

जय जय रामकृष्णा हरि ।
जय जय रामकृष्णा हरि ।।

ठ्ठल वि ठ्ठल वि ठ्ठल वि ठ्ठल.

नामाचा मृदूंग । नामाचा कर्ताल ।
नामाचा गजर । संकीर्तन ।।१।।

अवीट गोडवा । श्रवणी गारवा ।
नामाचा थोरवा । अनुपम्य ।।२।।

चालता बोलता । नाम ध्यावे घ्यावे ।
होई संभाषण । सुसंवाद ।।३।।

मनाला निवळी। मनाला निववी ।
नामाची प्रचिती । स्वानुभवी ।।४।।

प्रसन्न वदन । निर्मळ सुमन  ।
कंठी आभूषण । नामजप ।।५।।

संकटी स्मरण । चिंतेचे हरण ।
नामा ये शरण । रे सज्जन ।।६।।

काम क्रोध मोह । मद अहंकार ।
नाम रसायण । रामबाण ।।७।।

शोधिशी राऊळी । चाळी अंतराळी ।
वसे जो अंतरी । चराचरी ।।८।।

स्थळ काळ वेळ । सर्व बंध मुक्त ।
आनंदाचे सुक्त । महामंत्र ।।९।।

नामामृत प्यावे । नामतीर्थी न्हावे ।
यथार्थ तरावे । भवसागर ।।१०।।

संत आणि ग्रंथ । विनविती जनी ।
केली रे सचिन । उजळणी ।। ११।।

ठ्ठल वि ठ्ठल वि ठ्ठल वि ठ्ठल.
--------------------------------
अभंग रचना: सचिन कृष्णा निकम (sachinikam@gmail.com)
कवितासंग्रह: मुरादमन
Copyrights: Skrinz Studios
YouTube Channel: Skrinz Studios Music
--------------------------------

[sachinikam]

Watch the full video on the YouTube channel "Skrinz Studios Music".
https://www.youtube.com/channel/UC5E2R2h4Kpn0kbMPA-A1s_A