नाते

[Shilpa Mohite]

पुष्प १३ वे
            नाते

नाते नसावे केवळ नात्याने जोडलेले
नाते असावे मनाशी मनाने बांधलेले

         नाते असावे शीतल खोल डोहापरी
         सहज मिटावे उठले तरंग जरी
         नाते असावे खोल हृदयात कोरलेले
         नाते असावे मनाशी मनाने बांधलेले

नाते नसावे अळवावरचे  पाणी
सहज भिजावी अमृताने वाणी
न सांगताही कळावे अंतरी कोंडलेले
नाते असावे मनाशी मनाने बांधलेले

         दुःख असो वा असो आनंद
         तरीही जुळावे अंतरीचे बंध
         जिव्हाळ्याचे सुर जुळावे क्षणिक दुरावलेले
         नाते असावे मनाशी मनाने बांधलेले

नाते नसावे देखल्या देवा दंडवत
नात्यात नसावी कलहाची करवत
नाते असावे वादळ वाऱ्यातही खोल रुतलेले
नाते असावे मनाशी मनाने बांधलेले
                   
                      -शिल्पा मोहिते

[Aaryaa]

khup ch sundar nishpap as varnan ahe