नाच रे मयुरा

[Shilpa Mohite]

पुष्प १९ वे
       नाच रे मयुरा

आल्या आल्या जलधारा
धुंद पिऊनीया वारा
अंगणात माझ्या
नाच रे मयुरा

थेंब झाले सारे मोतीं
माझ्या अंगावर खेळती
मन सुखावले किती
तृप्त झाली रे धरा

रान झाले हिरवेगार
आला ऋतूचा बहर
कडे कपारीतून वाहसी
खळाळत तू निर्झरा

ऊन पावसाचा खेळ
आला घेऊन श्रावण
वर इंद्रधनुची कमान
तू फुलव पिसारा
       
             - शिल्पा मोहिते

[Atul Kaviraje]

Re: नाच रे मयुरा

     शिल्पा मॅडम, हे सारे त्या अमृत धारा बरसविणाऱ्या पावसाचीच किमया आहे, कि ज्यामुळे सर्व मानव जात, सर्व प्राणीमात्र आनंदून जाते, मोहरून जाते.विशेष करून मयूर-मोर, यास इतका हर्ष होतो कि तो आपला हर्ष आपला सुंदर फ़ुलारा पसरवून नाचून दर्शवतो.

     अत्यंत मोहक, प्रेक्षणीय असे ते दृश्य असते जे डोळ्यांचे पारणे फेडते. उद्विग्न मनास मयूर आपल्या आकर्षक नृत्याने, संजीवनी देत जातो.

     असे नृत्य दाखव मयुरा
     बेभान बेधुंद फुलवून पिसारा
     क्षणिक वाहण्याचेहि  थांबून जरा
     मोहक अदा पाहील वारा.

-----श्री अतुल एस परब
-----दिनांक- रविवार -२३.०५.२०२१