बिनधास्त खेळण्याला तो भाव आज नाही.........

[SHASHIKANT SHANDILE]

बिनधास्त खेळण्याला तो भाव आज नाही.........

पाण्यात कागदाची ती नाव आज नाही,
गल्लीत टायरांची ती धाव आज नाही!

झाले जणू असावे घायाळ खेळ सारे,
भांडून मागणारे ते डाव आज नाही!

कोंडून ठेवलेले भिंतीत लेकरांना,
मैदान लाभलेले ते गाव आज नाही!

चिंद्या कितीक झाल्या फाडून कापडाच्या,
लपण्यास आवडीचा तो ठाव आज नाही!

बेकार भेटला हा एकांत लेकरांना,
बिनधास्त खेळण्याला तो भाव आज नाही!
◆◆◆◆◆◆◆◆◆◆
शशिकांत शांडिले (एकांत), नागपुर
भ्र.९९७५९९५४५०