वाटसरू

[शिवाजी सांगळे]

वाटसरू

नसतो भरवसा क्षणाचा
खेळ साराच हा दैवाचा
म्हणू भोग, संचित जगा
समजून ठेवा आनंदाचा

सारेच पराधीन हे इथले
खेळतात खेळ भासाचा
वाट्यास जे भोग आले
कि परतावा प्राक्तनाचा

नश्वर देहाचे लाड करता
विसर पडतो भोवतीचा
मग्न, रत होते ही काया
करूनी विचार भोगाचा

काय खरे न् खोटे अंती
करूनही मोह स्वार्थाचा
ज्ञात असूनही भरकटतो
वाटसरू अज्ञात वाटेचा

©शिवाजी सांगळे 🦋
संपर्क: +९१ ९५४५९७६५८९