परीक्षा

[शिवाजी सांगळे]

परीक्षा

आयुष्याची परीक्षा..प्रत्येक जण इथली देतो
निकाल लागो काही कुणी जगणं का सोडतो

जन्मच मुळी होय सत्व परीक्षा दात्यांची
वाढली जाते मग कले कलेने अपत्याची
गरज म्हणून जो तो जगरहाटी सांभाळतो
आयुष्याची परीक्षा..

पाळतो नियम इथे कुणी तोडतो नियम
सर्व मुखवट्यांवर घेऊन बेमालूम संयम
अभिनय सगळाच की तो दर्जेदार असतो
आयुष्याची परीक्षा..

मुखी प्याले कुणाच्या ते हातात प्याले
दाखवीत कसे मस्तीत आयुष्य जगले
कसा काय जीव इथल्या भासात जगतो
आयुष्याची परीक्षा...

©शिवाजी सांगळे 🦋papillon
संपर्क: +९१ ९५४५९७६५८९