सोडून द्यावं

[ankushlatkar]

*सोडून द्यावं_*

एकदोन वेळा समजावून
सांगूनही पटत नसेल
तर समोरच्याला समजावणं
*सोडून द्यावं*


ऐकूनही न ऐकल्या सारखं करत असतील तर उगाचंच संवाद साधणं
*सोडून द्यावं*


मुलं मोठी झाल्या वर स्वतंत्रपणे
निर्णय घेत असतील
तर पाठीमागे लागणं
*सोडून द्यावं*


एका ठराविक वयानंतर
कोणी नावं ठेवली
तर मनावर घेणं
*सोडून द्यावं*


आपल्या हातात काही नाही; हा अनुभव आल्यावर इतरांची वा भविष्याची चिंता करणं
*सोडून द्यावं*


ईच्छा आणि क्षमता यात फार अंतर पडू लागलं तर स्वतःकडून अपेक्षा करणं
*सोडून द्यावं*

प्रत्येकाचं जीवनचित्र वेगळं,
आकार, रंग सगळंच वेगळं
म्हणूनच म्हणतो तुलना करणं
*सोडून द्यावं*


आयुष्याने एवढा अनुभवाचा खजिना देऊन संपन्न केल्या नंतर रोज जमा खर्चाची मांडणी करणं 
*सोडून द्यावं*

                               - अंकुश लाटकर