स्वप्न चित्र

[शिवाजी सांगळे]

स्वप्न चित्र

कळते मला डोकावणे तुझे खिडकीतले
जाणतो मी माझ्यावर प्रेम तुझे असलेले

रेंगाळतात पाऊले दाराशी वेळी अवेळी
करती चुगली पैंजण पायी तुझे घातलेले

छळतो लपंडाव हा चोरट्या कटाक्षांचा
कर मोकळे मनातले भाव तुझे दाटलेले
 
कळे मला सारे लपून पाहण्या वेळावणे
भोवती का माझ्या विश्व तुझे व्यापलेले

त्रासतो मी पण भास आभासाने तुझ्या
पाहण्या प्रत्यक्षात चित्र तुझे रेखाटलेले

किती करावी प्रतिक्षा तु न् मी दोघांनी?
यावे पुर्णत्वास माझे स्वप्न तुझे पाहिलेले

©शिवाजी सांगळे 🦋papillon
संपर्क: +९१ ९५४५९७६५८९