पुनर्भेट

[Umesh Mahadeo Todakar]

भेटलीस का पुन्हा

दुरचं जायचं होतं तर

बोललीस का पुन्हा

अबोल व्हायचं होतं तर

व्यक्त झाला का शब्द तुझा

अव्यक्त व्हायचा होता तर

लावलीस का आस पुन्हा

दुर जायचं होतं तर

त्या दुरच्या क्षणातचं

खरचं बरा होतो मी

केव्हातरी आठवणीतचं

तुझ्या रमत होतो मी

पण आजकाल पुन्हा

चेतना माझी जागवलीस

अव्यक्त व्हायचंच होत तर

का व्यक्त पुन्हा झालीस

ना मिलनाची आस आहे

ना भेटण्याचा  ध्यास आहे

आयुष्यातील काही क्षण

व्यक्त करण्याची आस आहे

वाटले जरी गतआठवणींना

व्यक्त व्हावेसे, सोबत यावेसे

त्याला मी निरूत्तरच आहे

पण ...........................

जाणवते आज मला भावना टोचल्याचे

दिवस होते आज पुन्हा व्यक्त होण्याचे

लांबच्या प्रवासात दुरूनचं हाक देण्याचे

लांबच्या प्रवासात दुरूनचं हाक देण्याचे


***** उमेश महादेव तोडकर *****