आगमन पावसाचे

[Umesh Mahadeo Todakar]

 थेंब थेंब आकाशातून

पडत राहूदे पृथ्वीवरती

सरीवर सरी पडत राहूदे

आसुसलेल्या पिकावरती

बरेच दिवसाचा दुरावा होता

आज नभातून पूर्ण झाला

पावसाच्या आगमनाने

निसर्ग सारा बहरून गेला

ओल्या चिंब धारणीवरती

सलग थेंब हा पडू लागला

ओढे नाले वाहू लागले

पाऊस वारा वाहू लागला

गार वाऱ्याच्या झुळकी बरोबर

पाऊस थेंब पडू लागला

अवघी धरणी तृप्त झाली

निसर्ग सारा डोलू लागला

पाऊस आला पाऊस आला

निसर्ग सारा आनंदून गेला.

************************

उमेशच्या लेखणीतुन..............

(प्रदीर्घ प्रतिक्षे नंतर पडलेल्या पावसावर लिहिलेली कविता )