बाजार श्वासांचा

[yallappa.kokane]

बाजार श्वासांचा

पैसे मोजावे लागतात हल्ली
एक एक श्वास घेण्यासाठी
स्वतःच जबाबदार होतोय
आपण आपल्या मरणासाठी

नैसर्गिक गोष्टी संभाळण्यास
माणूस कमजोर ठरला आहे
नात्यांचा जीव वाचवण्यास
बाजार श्वासांचा भरला आहे

श्वासच हे अंतीम सत्य आहे
देहास जिवंत ठेवण्यासाठी
महत्त्वाचा ठरतो प्राणवायू
एक एक क्षण जगण्यासाठी 


यल्लप्पा सटवाजी कोकणे