मनमोहक फुलपाखरू

[Sanjay Makone]

खालील कविता हि एका प्रेमात पडलेल्या तरुणावर आधारित असून,तो तरुण एका तरुणीकडे एकटक बघत असतो, ती त्याला खूप आवडत असते परंतु त्याचे प्रेम प्रकट करण्याचे धाडस त्याच्यात कधीच होत नाही.आपल्या मनाची व्यथा तो कोठे बोलूनही दाखवत नाही,अशा आशयाची कविता मी  थोडक्यात मांडण्याचा प्रयत्न करत आहे कवितेचे नाव आहे  मनमोहक फुलपाखरू


                                                     

                                                      मनमोहक फुलपाखरू


                                 निर्झराच्या त्या पुष्पवेलीतून
                                        अवचित नजर पडली,
                                 पुष्पगुलाबी त्या पाखराची
                                         नजर मजला अति भावली.

                                                निर्झरा काठी जाऊ लागलो
                                                           वाट तयाची पाहू लागलो,
                                                शीळ तयाची कानावरी घेई
                                                           स्वप्न मनी मी रंगून जाई.

                                  तयाची मोहक वाटे मज स्पर्श रेती
                                            का जडली असावी माझी प्रीती,
                                  मनी माझ्या घर करून राही
                                            का गुंतलो मी तयाच्या ठाई.

                                                चटक लागली असावी तयालाही
                                                        खंड न पडला त्याचाही कधी,
                                                झेप घेई तो गगनावरी
                                                        परतून नजर फिरवी माघारी.

                                        उतरावे तयाने खांद्यावरी
                                                   वाटत होते मजला जरी,
                                         शब्द फुटेना मजला परी
                                                      हीच भूल ठरली खरी,हीच भूल ठरली खरी..........

                                                                                                                         
                                                                                                       Sanjay Makone
                                                                                                          9623949907