देव माणूस ???

[Ashok_rokade24]

      कुणी केलं देव तुला
                माणसातला,
माणूस कारे नाही दिसत
               माणसातला ?

बाप घेऊन खांद्यावर
          हिंडतोय लेक
   तोंडानी भरून हवा
          थकलीय लेक
   प्राणवायू साठी बघ
           जिव तरसला
पैशा पाई नाही आली
             दया देवाला !!!   

      कुणी केलं देव तुला
                माणसातला,
माणूस कारे नाही दिसत
                माणसातला ??

आईच्या इलाजा गहाण
                  घर टाकले
अलंकार बहीणीचे सारे
              काही विकले
श्वास अखेरचा घेत बाप
                 निघून गेला
  क्षणात परिवार अवघा
           धूळीत मिळाला !!!

     कुणी केलं देव तुला             
               माणसातला,
माणूस कारे नाही दिसत
                 माणसातला ??

   हातावर पोट त्यांनी कसे
                   आता जगावे 
पैशांवाचून अन्न नाही आता
                      काय खावे ?
माती मधी मिळविले त्यांच्या
                         घामाला
दिसला नाही माणूस तूला
                      कष्टातला !!!

      कुणी केलं देव तुला             
               माणसातला
माणूस कारे नाही दिसत
                माणसातला ??

भावाला घेऊन पाठी भाऊ
                 दारं झिजवी
   गरीबांन रक्कम इतकी
                 कशी भरावी
सुविधा सारी मिळते इथे
                    धनीकाला
पैशा पुढे पहा देव माणूस
                       विसरला !!!

      कुणी केलं देव तुला             
                 माणसातला
माणूस कारे नाही दिसत
                माणसातला ??

अशोक मु.रोकडे.
मुंबई.