पाऊस चारोळ्या - तृष्णा (तहान)

[Atul Kaviraje]

                 पाऊस  चारोळ्या

                  तृष्णा  (तहान)
                  =======

     1)  नख-शिखांत  मी  भिजले
     तुज  रोमा -रोमांत  भिनवले
     तरीही  तृषार्त  मन  माझे
     तुज -पाशीच  रेंगाळत  राहिले .

          2)  अधर तुज  पित  होते
          नेत्र सुखात  विहरत  होते
          पुढेही  सहारा  मिळावा  मज
          ओठांवर  थेम्ब  बाळगून  होते .

     3)  मन  तहानलेले , तुजपाशी  झुकलेले
     तुझ्या  एका  दृष्टीस आतुरलेले
     मेघांची  गर्दी  पाहता अंबरी
     अवचित  पुलकित  रोमांचित  शहारलेले .

          4)  तुझे  माझे  नाते  आगळे
          सांगती माझे  गणगोत  सगळे
          तुझा अमृत -कलश  प्राशूनच  मी
          माझे  उपवास  करते  मोकळे .

     5)  डोळ्यांनी  मी  तुज पाहते
     ओठांनी  मी  तुज  प्राशते   
     नख -शिखांत  माझे  अंग  सारे
     पाणी ,पाणी  आणि  पाणीच  होते .

          ---श्री अतुल एस परब
              दिनांक- 16.05.2021 (रविवार)