बाल्कनीतून मी पाऊस पहातो

[Atul Kaviraje]

               बाल्कनीतून  मी  पाऊस  पहातो


     सप्तरंगी  संगीताने ,कवितेच्या  ओळींनी
     सुमधुर  गाण्याचा  जन्म  होतो
     त्याच  तंद्रीत  समरस  होऊन
     मी  बाल्कनीतून  पाऊस  पहातो .

          हलकेच  गार  वारा  खिडकीतून
          पर्जन्य  तुषार  आत  ढकलतो
          चेहऱ्यावर  मुक्त  खेळवत  गारवा
          बाल्कनीतून  मी  पाऊस  पहातो .

     अनिमिष  नेत्रे , संतत  धारेस
     निश्चल , निर्मोही  मनात  भरतो
     दैवी  अनुभूतीस  नमन करीत
     बाल्कनीतून  मी  पाऊस  पहातो . 

          असाच  तू  पडत  रहा
          असाच  मना -मनात  वहात  रहा
          चिरंतन , अनंत , अमर  असा
          बाल्कनीतून  मी  पाऊस  पहातो .


      -------श्री अतुल एस परब
               दिनांक- रविवार - (16.05.2021)