" अनोखे रूप दाखवितो पाऊस "

[Atul Kaviraje]

     काय  चाललंय , कलियुग  तर  नाही  ना  अवतरले  ?
अवकाळी   पाऊस  आज  अवकृपा  दाखवीत  आहे .
सदर  लेख  लिहिताना  आज  म्हणजे  दिनांक  17.05.2021, रोजी   बाहेर  सतत  पाऊस  पडत  आहे . जून  महिना  राहिला  दूरच , पण  मे महिन्यातच  पावसाने  ठाण  मांडले  आहे , तो  अविरत  बरसत  आहे . हे  सर्व  त्या  सागरातल्या  कमी -जास्त  वाऱ्याच्या दाबाच्या   पट्ट्याने    होत  आहे ,कि   ज्यामुळे , चक्री -वादळाची  भीती  निर्माण  झाली  आहे , आणि  त्यामुळेच  तर  पावसाने  ही  अवकाळीच  मर्यादा  ओलांडून , धरीत्रीस  आपल्या  आगमनाने  न्हाऊ  घातले  आहे . असो , हे  निसर्गाचे   चक्र  असेच  सुरु  राहील . त्यात  बदल  घडविणे  हे  मानवाच्या  शक्ती  बाहेरचे  आहे , जे  जे  होईल  ते  फक्त  पाहात  राहावे , हेच  आपल्या  हाती  आहे . 

ऐकुया  तर  चक्री  वादळावर , सद्य -स्थितीवर  एक  कविता -----

        " अनोखे  रूप  दाखवितो  पाऊस  "
        -------------------------------       

        ना   ऐकिवात  कधी  आजवर
        का  कोपतोय , रुद्र  होतोय  ?
        अवेळी , अवकृपा  दाखवीत , क्रोधीत
        का  तो  अविरत  बरसतोय  ?


              नाही  काळ , नाही  वेळ
              नाही  जळ , नाही  स्थळ
              संततधार  वर्षतोय , गगन  झाकोळून
              आकलना  बाहेरील  हा  खेळ.

         अनोखे  आणखी  एक  रूप
         विध्वंसास  झाला  सज्ज  घेऊनि
         वादळरूपे  अवतरून  खवळत्या  सागरी
         बरसतोय  धरणीस  आलिंगन  देउनी .

             का  रे  रुद्र  झालास  तू  ?
             का  रे  क्रुद्ध  होतोस  तू  ?
             तुला   जातय  कठीण  सांभाळणे
             मानवी  शक्तीबाहेरले  तुला  झेपणे.

          रुद्र  रूप  तुझे  दाखवूनि
          जाशील  तू  परतून  क्षणात
          परी  नव्हत्याचे  होते  करण्या
          मनुष्यास  मिळेल  का  उसंत  ?

             नकोस  अशी  परीक्षा  पाहू
             तुझ्यापुढे  माणूस  आहे  थिटा
             आवर  तुझे  हे  वादळरूपी  चक्र
             सुरळीत  होऊ  दे  निसर्गाचे  चक्र .


            ऋतुमानात  बदल  होतात  निसर्गाने
            अचंभित  मनुष्य  तुझ्या  वर्तनाने
            नको  अवतरुस  होऊन  तू  काळ
            मानवच  घेईल  तुजवरी विनाशाचा  आळ .

           नाही  सोसवत  तुझे  अनोखे  हे  रूप
           घडतोय  हाहाकार , विध्वंस  ,विनाश
           हात  जोडुनी  तुजसी  मागणे
           जगू  दे  आम्हास  शांततेने .

-----श्री अतुल एस परब
-----मंगळवार-18.05.2021.