गुगलरोळ्या - "गूगल चे काम लय भारी"

[Atul Kaviraje]

             गुगलरोळ्या -  "गूगल  चे  काम  लय  भारी"
             -------------------------------------

1)   जाळ्यात  जाळे  नेटचे  जाळे
      देशाचे   साऱ्या  लागलेत  डोळे
      अख्या  जगात  जाळे  विणून
      आता  गूगलला  लागलेत  नवीन  डोहाळे   

2)   कॉम्प्युटर  नवा  आणून  दिलाय
      नेटसाठी  बायकोने  हट्ट  धरिला
      नामांकित  कंपन्यांना  बगल  मारून
      मी  तिला  मग  गूगल  लावून  दिला   

3)   इंटरनेट  क्षेत्रात  झालीय  क्रान्ति
      ब्राऊज  कंपनीची  गुल  झालीय  बत्ती 
      सहज  साऱ्याना  देऊन  गुगली
      केलीय  गूगल  ने  त्यांची  गुंग  मती

4)   काय  माहिती  तुम्हा  हवी
      त्वरित  तुम्हा  मी  पुरवितो
      गूगल  रुपी  नेट  क्षेत्रात
      जणू  देवच  भूतली  अवतरतो

5)   अखंड  अविरत  माहिती  अन  ज्ञान   
      डिमांड  केल्यावर  लगेच  सप्लाय
      ताबडतोब  वेळही  न  घालविता
      गूगल  देतोय  लगेच  रिप्लाय


-----श्री अतुल एस परब
-----दिनांक-23.05.2021-रविवार .