"स्वप्न कधी होईल पूर्ण ?"

[Atul Kaviraje]

                   "स्वप्न कधी होईल पूर्ण ?"
                   ---------------------


स्वप्न  कधीचे मी पाहिलेले
निळ्या आभाळातले, अथांग सागरातले
तुझ्या मनातले, माझ्या मनातले,
पूर्णत्त्वाच्या शिखरावर, विराजित, प्रतीक्षेतले.


स्वप्नातले उंच इमले बांधताना
पावलांचाही तळाला पोच हवा
सत्य हेच अंतिम, वास्तवातले,
भ्रमाचा फुटतोय भोपळा, तेव्हा.


जगता जीवन कोडे उकलले
माणूस अपूर्ण, जीवन अपूर्ण
दैव कधी देईल साथ,
स्वप्न कधी होईल पूर्ण ?


स्वप्न अंती स्वप्नच राहील
नका तयावरी विसंबून राहू
कर्तव्याचे बीज पेरून ठाई,
पूर्ण स्वप्नाचे फलित पाहू.


-----श्री अतुल एस परब
-----दिनांक-23.05.2021-रविवार .