विनोदी चारोळ्या - "स्वच्छता अभियान"

[Atul Kaviraje]

                  विनोदी  चारोळ्या
                "स्वच्छता  अभियान"
               -------------------

1) धंदा  झाडूचा

न  भूतो  न  भविष्यती
असा  एकला  प्रधान -मंत्री  जाहला
स्वच्छता  अभियान  योजूनि
धंदा  झाडूचा  बरकतीस  आला .

2) केरसुणींचे  स्टॉल

जेथे  होते  धान्याचे  कोठार
तेथे  केरसुणींचे  स्टॉल  लागले
कचरा  सफाईस  प्राधान्य  देऊन
दुय्यम  स्थान  अन्न -वस्त्रांना  मिळाले .

3) एम्प्लॉयमेंट  एक्सचेंज   

रोजगार,  सफाई कामगारांना मिळता
पगार  वाढही  भरघोस  जाहली
जिकडे  तिकडे  मग  भरतीची
एम्प्लॉयमेंट  एक्सचेंज  सुरु  झाली.

4) घराघरात  झाडू  ?

स्वच्छता  अभियान  सुरु  झाल्यापासून
घराघरात  झाडू  मिळणे  कठीण  झाले
आता  नवऱ्याला  कशाने  मारायचे
गृहिणीस  हे  कोडे  कधीही  न  उकलले !

5) आरश्याचे  काय  काम ?

तुळतुळीत  रस्ता , लख्ख  आरश्यासम
या  अभियानाने  कि  हो  घडविला
येता  जाता  केस  विंचरणाऱ्या
हिरो  पोरांचा,रस्ती जथा आता वाढला .


-----श्री अतुल एस परब
-----दिनांक-26.05.2021-बुधवार.