"सफाईदार साबणा, तुझा साफ नजराणा"

[Atul Kaviraje]

                "सफाईदार साबणा, तुझा साफ नजराणा"
                ----------------------------------

रंगीत साबण,रंगीबेरंगी साबण
फेसाळ साबण, झागदार साबण
सफाई करणारा सराईत बाणा
सफाईदार साबणा,तुझा साफ नजराणा.

       करीत सफाई तनामनाची
       तृप्तता देत या स्नानाची
       मोहक,मधुर बरसात सुवासाची
       खैरात या चौकोनी वडीची.

दिवसाची सुरुवात तृप्त अंघोळीने
दिवस फ्रेश याच्या सुवासाने
दिवसभर घमघम या सुरभीने
हेच साबणाचे वैशिष्ट्य खरे.

         एवढीशी वडी घरभर पसरे
         सुस्नात वारे, सुमधुर खरे
         उराउरात मनामनात खोल भरे
         कोणतीही शंका मग नुरे.

पण याही पेक्षा महत्त्वाचे--------

नाही निर्मल मन
काय करील साबण
शरीराचा मळ करील स्वच्छ
पण आहे का अंतर शरीर निरिच्छ ?

          जशी शरीराची सफाई आवश्यक
          तद्वत अंतर मनाची सफाईही अटळ
          मन आपले असेल तंदुरुस्त
          तन  मग असेल आपसूक दुरुस्त

साबणा तुझा आवडला नजराणा
भिनला शरीरात अन तृप्त कण - कणा
साबणा, तुझे महत्त्व जीवनी
मन भरले आज तुझे रूप पाहुनी

----- श्री अतुल एस परब
-----दिनांक-27.05.2021-गुरुवार.