सासरोळ्या ( चारोळ्या ) - "असं सासर सुरेख बाई"

[Atul Kaviraje]

                   सासरोळ्या    ( चारोळ्या  )

                   "असं  सासर  सुरेख  बाई"
                   ----------------------

1)  असं  सासर  बाई  सुरेख
      नणंद  माझी  ठेवते  देखरेख
      सासूबाई  माझ्या  इतक्या  नेक
      किचन  मध्ये  करतात  माझी  फेकाफेक .

2)  वर वरून  जरी  दाखविले  गेले
      तरी  आतली  करामत  असते  वेगळीच
      तोंडावर  हास्य  दाखवीत  सारी
      हाती  दोर  घेऊन  उभी  असतात  सगळीच .

3)   माझी  तू  सून  नाहीस
      लाडकी  लेक च  आहेस  जणू
      काही  वर्षांनी  फणफणत  सासू
      कपाळ  करंटी  कुठली, लागते  म्हणू .

4)   सुनबाई  असतात  काही  ठमक्या
      दावितात  आपुला  इंगा  खमका
      ठेवून  नवऱ्याला  अपुल्या  मुठीत
      आणि  वरून  देतात  चांगलाच  दणका .

5)   लग्न  असते  तव्यावरली  पोळी
      हात  चांगलाच  पोळून  देते
      सासर  काय  अन  माहेर  काय
      स्त्रीची  अखेरपर्यंत  वरात  निघते .

-----श्री अतुल एस परब(अतुल कवीराजे)
-----दिनांक-30.05.2021-रविवार.