विनोदी चारोळ्या - "वाऱ्याशी वेगवान स्पर्धा"

[Atul Kaviraje]

                    विनोदी चारोळ्या
               "वाऱ्याशी  वेगवान  स्पर्धा"
               ----------------------

1)   झुंझार  मी , बेलगाम  मी
      या  वेगवान  वाहनाचा  चालक  मी
      पहा  माझी  कशी  वाऱ्याशी  स्पर्धा
      अपघात  होऊन  मी  उरलोय  नुसता  अर्धा .

2)   साऱ्या  रस्त्यावर  आहे  माझी  सत्ता
      बेगुमान  मी , भन्नाट  वेग  घेतो  आता
      अरेरे  असा  कसा  माझा  तोल  गेला
      वाहन  घसरून  अनमोल  जीवही  गेला .

3)   तरुणाईला  नवं  चेव  आलेय
      स्पर्धेला  वेगळे  वळण  लागलेय
      ज्याचा  वेग  जास्त  तो  महान
      महामार्ग  तुडुंब  भरून  वाहिले .

4)   जीवाचे  काय  मोल  यांना ?
      रस्त्यांवर  प्रेतांचा  खच  पडलाय
      या  स्पर्धेशी  स्पर्धा  करता
      आता  फक्त  म्हातारा  वर्ग  उरलाय

5)   कौलेज  तरुणींवर  छाप  पाडण्या
      मी  मस्तपैकी  नवीन  बाईक  घेतो
      पण  आजही  मी  अविवाहित  आहे
      माझा  वेगच  माझे  भविष्य  घडवितो .

-----श्री अतुल एस परब(अतुल कवीराजे)
-----दिनांक-30.05.2021-रविवार.