चारोळ्या पावसाच्या - "छत्री" - भाग - १

[Atul Kaviraje]

                   चारोळ्या पावसाच्या 
                          "छत्री"
                   ----------------

1)   नवीन  छत्री  घेतलीय  कालच
      घडी  अजून  मोडलीच  नाही
      डॉक्टर -चे  बिल  वाढतच  चाललंय
      माझे  भिजणे  थांबतच  नाही .

2)   वारा  अवखळ  वाहे  मनस्वी
      जणू  अंगाशी  करी  लगट
      हलकेच  छत्री  उडवून  देऊन
      प्रियकरासम  वर्तन  करी  वात्रट .

3)   हत्तीच्या  सोंडेने  बरसे  पाऊस
      छत्री  तरी  काय  करणार  ?
      चहू -बाजुंनी  वारा  खेळे  अवखळ
      आज  नक्कीच  ताप  भरणार  !

4)   आडोसा  छत्रीचा , प्रियकर  छचोर
      ढगातून  डोकावे  मध्येच  चंद्र -कोर
      पाऊस  निमित्ते , घेऊनि  कवेत
      अधर  चुंबितो  माझे , चुंबन -चोर .

5)   पाऊस  आणि  माझी  छत्री
      एक  समीकरण  होऊन  राहते
      पावसाळा  संपतो , पाऊस  जातो
      ती  -नवमास  पूर्णत्त्वाचे  स्वप्न  बाळगते .

-----श्री अतुल एस परब(अतुल कवीराजे)
-----दिनांक-31.05.2021-सोमवार.