भ्रष्टाचार वास्तव चारोळ्या - "भ्रष्टाचार नुसता , कुठला आचार - विचार ?"

[Atul Kaviraje]

                भ्रष्टाचार वास्तव चारोळ्या
       "भ्रष्टाचार  नुसता , कुठला  आचार - विचार ?" 
      -----------------------------------------

   (1)  सुरुवातीला  भाषेत  पैश्यांच्याच  बोला
            भ्रष्टाचार  अहो , करील  सांगता
            मिळेल  नोकरी  बिन -दिक्कत  कायमची
            तट्टू  वशिल्याचे  पुढे  सरकविता .

   (2)  स्वर्ग  झालाय  ओकाबोका  सुना
           नरकात  झालीय  भरती  भ्रष्टाचाऱ्यांचीच     
           असा  एकही  नाही  आला  जन्माला
           कि  जो  आज  सुविचारानेच  मेला .

   (3)  नाही  मिळत  प्रवेश  शाळेत   
            नाही  मिळत  ऍडमिशन कॉलेजात     
            शिक्षणच  विकत  घेतलं  गेलंय
            लक्ष्मी  झालीय  आज  सरस्वतीलाही  वरचढ .

   (4)  कष्टाला  नाही  मोल  इथे
            भ्रष्टाला  जातंय  तोललं  इथे
            त्यापायी  माणूस  विसरलाय  नात्याला
            ना -त्याला  उरलं नाहीय  नाते .

   (5)  नाही  जगायचे  या  भ्रष्टाचारी  दुनियेत
            म्हणून  जीवाचा  शेवट  करून  घेतला
            झाली  कुंठित  मती , जेव्हा  द्वारपाल
            स्वर्गात  जायचे  पैसे  मागू  लागला .

-----श्री अतुल एस परब(अतुल कवीराजे)
-----दिनांक-01.06.2021-मंगळवार.