विनोदी-विडंबन कविता - " हजार-पाचशे, टाळ्या आणि हशे "

[Atul Kaviraje]

   मागे, पाचशे आणि हजारांच्या  नोटांवर कायमची बंदी मोदी सरकाराने आणली होती, हे सर्वश्रुत आहे.
रातोरात हा निर्णय घेण्यात आला होता. आणि, सर्व देशभर एकच हल-कल्लोळ माजला होता.
ठराविक मुदतीत, नोटा बदलून घेण्यासाठी बँकांमध्ये रात्रं-दिवस लांबच लांब रांग दिसून येत होती. तर काही काळा-बाजार वाले नोटांची सर्रास होळी करताना दिसतं होते. रिजर्व  बँकेवर तर या काळात फारच मोठी जबाबदारी येऊन पडली होती. तडका फडकी हा निर्णय का घेण्यात आला होता, ते हे राज-कारणीच जाणोत.

     असो, एक चांगली व्यंगात्मक कविता यावर होऊ शकते, हे जाणून मी हि विनोदी, विडंबन पर कविता आपणापुढे प्रस्तुत करीत आहे, आपणांस ती नक्कीच आवडेल. माझ्या कवितेचे शीर्षक आहे
" हजार-पाचशे, टाळ्या आणि हशे "

                    विनोदी-विडंबन कविता
              " हजार-पाचशे, टाळ्या आणि हशे "
              ------------------------------

आले मोदीजींच्या मना
तेथे कुणाचे चालेना
हजार पाचशेच्या नोटांना
कुणी हातही लावेना.

                  सरकारचे अघोरी तंत्र
                  राजकारणाचा एकच मंत्र
                  सुरु करोनि नवसत्र
                  खुर्ची टिकवावी एकत्र.

रातोरात आणिली बंदी
काळ्या साम्राज्यास घालुनी तटबंदी
नवयुगाची करुनि नांदी
फक्त पाहात राहिले गांधी ?

                    लाचलुचपतीचे वाजले तीन-तेरा
                    असा आणुनी मरी -आईचा फेरा
                    तोंडाला आणुनी कायम फेफरा
                    मुक्त वाहू लागला वारा.


काळा बाजार झाला ठप्प
सट्टा बाजार झाला गप्प
हजार पाचशे झाले गडप
मंदी आलीय चूप चाप.



                     गडप नोटा कुठेही दिसेना
                     सामान्यांचे शिवाय चालेना
                     मोदींचे काय घेऊन बसलात
                     जनतेचे हाल बघवेना.

होतंय ते चांगल्या साठीच
देशाच्या हिताचे करावे
पण मध्ये पोळला जातोय सामान्य
याचेही भान ठेवावे.

                      देशद्रोह्यांचे धाबे दणाणलेत
                      पहा कसे हाल चाललेत
                      मुळावरतीच देऊन दणका
                      मोदी पुढती धावलेत.

असेच धोरणी होऊनि
सारे एकत्र येऊनि
भ्रष्टाचारास आळा घालुनी
मग राम-राज्य यावे भूतली.

                      आता फक्त वाट पाहायची
                      काही सनसनाटी बातमीची
                      हजार पाचशेचे तोडुनी फासे
                      वाजवू टाळ्या, पाहुनी हसे.

-----श्री अतुल एस परब(अतुल कवीराजे)
-----दिनांक-02.06.2021-बुधवार.