दारुण वास्तव - चारोळ्या - ठेल्यावरचे भाजी -विक्रेते - "भाजी विक्रेत्यांचे

[Atul Kaviraje]

                          वास्तव  - चारोळ्या
                 "ठेल्यावरल्या भाजी  विक्रेत्यांचे  मनोगत"
                 ----------------------------------

1)   आज  नफा , उद्या  मामुली  मिळकत
      ग्राहक  मिळतात  कमी  जास्त
      कधी  कधी  तर  प्रतीक्षेत
      गुजराण ,ठेल्यावरली  भाजी  विकत .

2)   आजची  हिरवी -गार  भाजी  असते
      विक्री  नाही , तर  उद्या  नसते
      रोजचाच  खप , रोजचीच  कमाई
      उद्याची  पुन्हा  नवीनची  घाई .

3)   नोकरी  गेली , ठेला  लावलाय
      नव्या  धंद्यास  प्रारंभ  केलाय
      दर्जा  जरी  असला  लहान
      पोट  भरण्याचे  काम  महान .

4)   उभ्याने  पाय  भरतात  दिवसभर
      भाजी  अजूनही  उरलीय  ठेल्यावर
      दमलोय  तरी नाही  माघार
      हाच  जीवनाचा  मुख्य  आधार .

5)   लायसन्स  दिलंय  सरकारने  रीतसर
      जागाही  मिळालीय  कोपऱ्यात  रस्त्यावर
      एवढेच , मेहनत  अधिक  यात
      जमा -खर्चाची  नाही  येत  बात .

-----श्री अतुल एस परब(अतुल कवीराजे)
-----दिनांक-06.06.2021-रविवार.