वात्रटिका (चारोळ्या )- " मुद्रांक घोटाळा "

[Atul Kaviraje]

                            वात्रटिका
                       " मुद्रांक  घोटाळा "
                       -----------------

  (1)  एक  कोडे :-
     -------------       
            दोन  पेट्या  तुला  घे
            चार  खोकी  मी  घेतो
            पाहिजे  तेव्हढा  करून  घे
            सापडल्यावर  मी  पाहून घेतो
                 काय  बरे  ?
                    सोपे  आहे  उत्तर :- "घोटाळा "
                                           =====   

  (2)  दिवस  सुगीचे  सुरु  जाहलेत
            करुनी  घोटाळा  बैल  माजलेत
            कोऱ्या  नोटांचा  खाऊन  चारा
            चौखूर  उधळत , दौडू  लागलेत .

  (3)  बनावट  मुद्रांकाचा  बडा -बडा  घोटाळा
            बडे -बडे  मासे  लागलेत  गळा
            साजरा  केला  होता  आतापर्यंत  सोहळा
            आता  रडा  म्हणावं , घालून  गळ्यात  गळा .

  (4)  मुद्रा  त्यांच्या  पाहण्यासारख्या  झाल्यात
           मुद्रांकावर  ज्यांनी  नोटा  छापल्यात
           मुकाट  बेड्या  घालून  हाती
           मोकाट  धेंडी   तुरुंगात  पडलीत .

  (5)  कायद्याचा  रक्षकच  भक्षक  झालाय
           आम्हा  सामान्यांची काय कथा  ?
           घोटाळ्याच्या  यादीत आणखीन  एक वाढ
           आजच्या  समाजाची  हीच , संवेदना -शून्य  व्यथा  !

-----श्री अतुल एस परब(अतुल कवीराजे)
-----दिनांक-08.06.2021-मंगळवार.