वास्तव - विनोदी चारोळ्या - " रेल्वेचे जीर्ण पूल "

[Atul Kaviraje]

                      " रेल्वेचे  जीर्ण  पूल "
                      ------------------

1)   आले  थवे  पादचाऱ्यांचे पहा
      धडका  धडकी  हर  अनुभव  नवा
      उरात  धडकी  भरून  म्हणतोय  पूल
      आता  मला  चेहरा  नवा  हवा .

2)  जगण्यास  विटलेला  इथे  येतो
      जगणे  नको  आता  मरण  मागतो
      आत्महत्येचा  सोपा  उपाय  सोडून
      तो  या  पुलावरती  फक्त  उभा  रहातो .

3)   आता  मरण  सहज  झालेय
      रेल्वेचे  रूळ ओस  पडलेत
      आत्महत्येच्या  अभिनव  प्रयासातून
      जुन्या  पुलांना  नवे  भाव  आलेत .

4)   दिवस  तुझे  हे  मरायचे
      पुलावर  जाऊन  कसे  चालायचे
      हिंदोळ्यासम  मागे  पुढे  झुलून
      धपकन  खाली  असे  पडायचे .

5)   धावता  धावता  गाडी  थांबलीय
      थबकून  पुलाकडे  पाहू  लागलीय
      इतक्या  वर्षांची  साथ  सोडता  झाला
      म्हणून  अति  शोक  करू  लागलीय .

-----श्री अतुल एस परब(अतुल कवीराजे)
-----दिनांक-10.06.2021-गुरुवार.