चारोळ्या पावसाच्या - " तृष्णा (तहान)-भाग-२ "

[Atul Kaviraje]

                       चारोळ्या पावसाच्या
                    " तृष्णा (तहान)-भाग-२ "
                    ----------------------

1)   आज  पावसाला  झालंय  काय  ?
      दर्शन  नाही  जणू  रुसलाय  !
      तहान  पाण्यानेही  नाही  भागत
      सुचत  नाहीय  कोणताही  उपाय  !

2)   थेम्ब  थेम्ब  जल  पर्जन्याचे
      तृषार्त  मी  आकंठ  प्याले
      नाते  जन्मोजन्मीचे  तुज  सवे
      ऋणानुबंध  तुझे  सांगून  गेले .

3)   काही  नाही  सुचत  आता
      डोळे  शिणले  वाट  पाहता
      थेम्ब  थेम्ब  तृष्णा  भागविण्या
      अश्रूही  सुकले  पाहता -पाहता .

4)  ओंजळ  भरुनी  अमृत  सरींनी
     मृद -गंध  सुरभी  नासिकेत  भिनवूनि
     अन  हलकेच ओठांनी पिउनि
     अमरत्त्वच  देतेय  जल -संजीवनी .

5)  ओष्ठ  हलकेच  कुजबुजले  कानांशी
     ऐकता  रक्त -वर्णी  झाले  कपोल
     तहान  भागली  तुझी  प्रिये  ?
     अधर  थरथरले  निशब्द अबोल  !

-----श्री अतुल एस परब(अतुल कवीराजे)
-----दिनांक-11.06.2021-शुक्रवार.