वात्रटिका - कॉम्प्युटरोळ्या - " कॉम्प्युटरच्या जगात "

[Atul Kaviraje]

                       वात्रटिका - कॉम्प्युटरोळ्या
                        " कॉम्प्युटरच्या  जगात "
                       ----------------------

(1)  एकदा  माझ्या  कॉम्प्युटरच्या माउस (उंदीर ) ने
            दिवसा  कुठेतरी  दडी  मारली  होती
            कॉम्प्युटरने  स्वतःच  रातोरात  शोधून
             "सी -कॅट " भाषा  विकसित  केली  होती .

(2)  माहितीत  पडावी  भर  म्हणून
            उघडल्यात  कॉम्प्युटरवर  अनेक  "वेब -साईट "
            शाळकरी  मुलांना  आमच्या  आवडते  मात्र
            खमंग , चूर -चुरीत , मसालेदार  "सेक्स -साईट. "

  (3)  या  नेटमध्ये  (जाळ्यात ) किचकट , कॉम्प्युटरच्या
            सारे  जगच  गुरफटत  गेलंय
            म्हणून  की काय  जीवन  माणसाचे
            निर्जीव , यंत्रवत  होत  चाललंय .

  (4)  कुडबुड्या  ज्योतिषांचा धंदा  मंदावलाय
            जेव्हापासून  कुंडली  संगणकावर  आलीय
            संघटना  करून  ज्योतिषांनी  साऱ्या
            कॉम्प्युटरच्या  मरणाची  तारीख निश्चित केलीय .

-----श्री अतुल एस परब(अतुल कवीराजे)
-----दिनांक-12.06.2021-शनिवार.