"ढग-पाऊस चारोळ्या" (भाग-१)

[Atul Kaviraje]

                    "ढग-पाऊस चारोळ्या" (भाग-१)
                    ----------------------------

1)   वाट  पहात  थांबले  होते
      दाटी-वाटीने  घन-दाट  जमले  होते
      वरुण -राजाच्या  एका  इशाऱ्यासरशी  ते,
      वसुंधरेस पर्जन्याने भिजवणार होते .

2)   कृष्ण-मेघास चंदेरी झालरीने व्यापिले
      अनोख्या  दृश्यास  मी  नजरेत  सामाविले
      पुढच्याच  क्षणी  एका-कार  घनांनी,
      तृषार्त  धरेस  पावसाने  भिजविले.

3)   बालपणापासून  ढगांकडे  आकर्षिला  गेलो
      मित्रवत  ते  भासू  लागले
      माझ्या  आवडत्या  पावसाचे  ते,
      देणे  मज  देऊ  लागले .

4)   क्षितिजावर  ढग  गर्दीस  लागले
      अहमहमिका  एकमेकांशी  करू  लागले
      मंद   वाऱ्यासवे  ते  वाहून,
      पावसाची  नांदी  देऊ  लागले .

5)   आसमंत  कृष्ण-ढगांनी  व्यापू  लागले
      विजांचे  नृत्य  सुरु  जाहले
      हळूच  पावसाने  थैमान  घालीत,
      इमारतींस  साऱ्या  न्हाऊ  घातले .

-----श्री अतुल एस परब(अतुल कवीराजे)
-----दिनांक-13.06.2021-रविवार.