इतर चारोळ्या - भाग -३

[Atul Kaviraje]

                      इतर  चारोळ्या  - भाग -३
                      ----------------------

         गुढी -पाडवा
         -----------
उल्हासित  मने  तोरण  बांधा
आज  पाडवा , आला  पाडवा ,
सण  -चक्राची  नवं -मुहूर्तमेढ  रोवा,
स्वागत  करा , आकाश -गुढी  चढवा .


              फणी
              ----
केसांचे  झुबके  होते  तेव्हा
पाठी  लागत  होत्या  किती -तरी  जणी
टकला वरून  हात  फिरवीत  म्हणतो,
आज  कुठे  हरवलीय  माझी  फणी.


           देव -दर्शन
           ---------
देवाच्या  शोधात  फिरलो  वणवण
देव  काही  नाही  सापडला ,
संकटात  माझ्या  मदतीला  आला,
त्याच्यातच  मी  देव  पाहीला .   

  डौक्टर  बाबासाहेब  आंबेडकर
  --------------------------
शिका  आणि  संघटित  व्हा
शिक्षण  दिले  होते  तुम्ही ,
भीम -शिव  शक्ती  एकत्र  होण्याचे,
कधी  स्वप्न  पाहिले  होते  आम्ही .

         अष्ट -विनायक
         ------------
अष्ट -विनायकाचे  दर्शन  झाले
नयनांचे  बहू  पारणे  फिटले ,
अष्ट -विनायकाचा  महिमा  कसा  ?
तिन्ही  लोकी  वर्णावा  असा !


-----श्री अतुल एस परब(अतुल कवीराजे)
-----दिनांक-19.06.2021-शनिवार.