चक्री-वादळ हास्य चारोळ्या-"समुद्रात नियमित येणारी चक्री-वादळे"

[Atul Kaviraje]

                    चक्री-वादळ हास्य  चारोळ्या
               "समुद्रात नियमित येणारी चक्री-वादळे"
              ----------------------------------

  १) सतत समुद्र खवळलेला का ?
     वाऱ्याचा दाब कमी-जास्त का ?
     खेळ होतोय मध्ये माणसाचा,
     दोघेही खेळताहेत खेळ चक्राचा.     

२)  इथे गिरकी तर तिथे फिरकी
     कौतुके भोलेनाथ विस्मयाने पाही
     असे सुंदर तांडव थैमान वादळाचे,
     मलाही बाबा कधीच जमले नाही.

३)  शेवटी निसर्गच होणार वरचढ
     कितीही उडी मारली माणसाने
     बळेच त्याला खाली दाबून,
     देतोय त्याची जागा दाखवून.

४)  हतबल मनुष्य नैसर्गिक आपदांपुढे
     पाहण्याशिवाय हाती नसते काही
     कितीही प्रगती विज्ञानाने केली जरी,
     शास्त्र(अस्त्र-शस्त्र) निसर्गापुढे कमजोर ठरी.

५)  प्रलयाची एक चुणूक दाखवून
     हलकेच वादळ घडवून आणतो
     माणसाची उडालेली भंबेरी पाहून,
     स्वतः(समुद्र) वाऱ्यासवे खिदळत राहातो.


-----श्री अतुल एस परब(अतुल कवीराजे)
-----दिनांक-21.06.2021-सोमवार.