मनुष्याच्या संशयी वृत्तीवर कविता- "संशयाचे घोडे,उडवी चारित्र्यावर शिंतोडे"

[Atul Kaviraje]

मित्र /मैत्रिणींनो ,

     संशय , हा   असा  घातक , विघातक  रोग  आहे , कि  ज्या  माणसाला  तो  होतो , त्याचे  जीवन  पूर्णपणे  बदलून  जाते , त्याची  सारासार  विवेक -बुद्धी  ही  त्याला  दगा  देते , तो  व्यापक  विचार  करू  शकत  नाही . संशयाचे  हे  भूत  त्याच्या  मानगुटीवर  एकदा  का  बसले  की  ते  निघता  निघत  नाही .

     मनुष्याला  आतून  संपूर्ण  पोखरून  टाकणाऱ्या  त्याच्या  या  रिपूला , वेळीच  का  आळा  बसला  नाही , तर  तो  ही  बरबाद  होतोच , शिवाय  इतरही  त्याच्यामुळे  देशोधडीस  लागतात . त्यामुळे  आपल्या  कानांवर  विश्वास  न  ठेवता , डोळ्यांवर  विश्वास  असावा , कारण  हे  जे  कोणी  संशय  मनात  पेरणारे , मानव  - शत्रू  असतात , त्यांचा  हा  अघोरी  मार्ग , तोंडावाटे  कानातून  आत  जाण्याचा   असतो , म्हणजे  थोडक्यात  कान  भरण्याचा  असतो  . त्यामुळे , कुणावरही  विश्वास  न  ठेवता , वेळीच  सावध  होऊन  पुढची  पाऊले  नीट  टाकावयास  हवीत .

    असो , तर  या  मानवाच्या  संशयी  वृत्तीवर  एक  कविता  सुचली  आहे , माझ्या  कवितेचे  शीर्षक  आहे - " संशयाचे  घोडे , उडवी  चारित्र्यावर  शिंतोडे  "


              मनुष्याच्या  संशयी  वृत्तीवर  कविता
         "संशयाचे  घोडे ,उडवी  चारित्र्यावर  शिंतोडे "
         ---------------------------------------

झालंय  जीवन  कित्येकांचे  बरबाद
संसार  उधळतोय  बहरलेला , निर्विवाद
संशयाचे  भूत  मानगुटीवर  खडे ,
संशयाचे  घोडे ,उडवी  चारित्र्यावर  शिंतोडे .

डोळ्यांवरी  आपुल्या  असावा  विश्वास
कर्णाचे  (कानांचे ) कधीही  होऊन  नका  दास
ऐकलेले  कधीही  खरे  नसते ,
मनात  संशयाचे  कटू  बीज  पेरते .

स्वभावच  आहे  माणसाचा  कारणीभूत
विवेकच  हरवलाय , मती  झालीय  मृत
सारासार  विचार  नाही , नुसताच  अविचार ,
मानव -प्राणी  झालाय  संशयाला  लाचार .

षड -रिपूंचा  हा  सप्तम  सख्खा  भाऊ
सु -मन  पोखरणारा  हा  केतू -राहू
संशयाचा  वृक्ष  वाढतो  भराभर ,
मातेरे  करतो  संसाराचे  पुरेपूर .

कुणाची  ऐकता  कधी  कागाळी
प्रथम  तयाची  करावी  खातरजमा
एखादा  बळी  जाणारा  वाचेल ,
तयाचे  चारित्र्य  सुवर्णासम  निखरेल .

-----श्री अतुल एस परब(अतुल कवीराजे)
-----दिनांक-26.06.2021-शनिवार.