"चारोळ्या पावसाच्या"-भाग-७

[Atul Kaviraje]

                  "चारोळ्या पावसाच्या"-भाग-७
                  -------------------------

1) पावसाची लेकरे
------------------
सश्रद्ध, नमन तुज पाउस-राया
आम्ही तुझी लेकरे, तू आमचा साया
ममतामयी प्रेम-वर्षाने न्हाऊ घालीत,
अशीच ठेव लेकरांवरी माया.

2) भेट तुझी-माझी
-----------------
आठवतंय का तुला सखे
ऋणानुबंध आपला होता तेव्हाचा
घट्ट मिठीत तुज कवटाळीले ,
साक्षीला पाउस होता केव्हाचा.

3) पावसाची साफ-सफाई
-----------------------
पाप-नाल्यास धुवून टाक जरा
पुण्याईचा वाहू दे अमिट-अवीट झरा
अरे पावसा, तू असा बरस,
पवित्र,पावन कर हि धरा.

4) मनाचे मळभ
---------------
पावसा, जाताना तू एक काम कर
माझ्यावर थोडे उपकार कर
माझ्या मनाचे मळभ दूर करून,
त्यात तू लख्ख प्रकाश भर.

5) रोमांच
---------
स्पर्शात तुझ्या जादू जणू
रोमांचित काया हर्षित तनु
तुझ्या थेंब-थेंबात आहे चैतन्य,
प्रफुल्लतेचे नच उदाहरण अन्य.


-----श्री अतुल एस परब(अतुल कवीराजे)
-----दिनांक-27.06.2021-रविवार.