" हृदयाच्या सम्राटाला , हृद्य सलामी ! "

[Atul Kaviraje]

मित्र /मैत्रिणींनो ,

     श्री  नितु  मांडके , वैद्यकीय  क्षेत्रातील , हृदय  शल्य -विशारद  (हार्ट  सर्जन ) म्हणून  नावा -रूपास  आलेले  एक  नाव . त्यांनी  त्या -काळी  शेकडो , हजारो  हृदय  शस्त्र -क्रिया  करून  अनेक  रुग्णांना   जीवन -दान  दिले  होते .त्यांचा  रुग्णांप्रती  सेवा -भाव , सेवा -धर्म  हा  उल्लेखनीय , वाखाणणीय  होता .

     असा  हा  अजोड  हृदय  शल्य -विशारद , स्वतः  हृदयाच्या  दुखण्याने  (हार्ट  अटॅक ) देवास  प्यारा  व्हावा , यासारखे  आणि  दुर्दैव  ते  काय ! न  झाला  तुझ्यासम , न  आहे  तुझ्यासारखा , न  होईल  तुजसम , असे  म्हणून  मी  त्यांना  मनापासून  श्रद्धांजली  देतो .

    असो , जन्म -मृत्यूचा  सारा  हिशोब  तो  आकाशातील  देव  पहात  असतो , आपल्यासारख्या  मर्त्य  मानवाच्या  हाती  काहीही  नसते . त्यांना  श्रद्धांजलीपर  एक  कविता  लिहिली  आहे , कवितेचे  शीर्षक  आहे - "हृदयाच्या  सम्राटाला ,हृद्य  सलामी  !"

    हृदय -शल्य  विशारद -श्री  नितु मांडके  यांना श्रद्दांजलीपर  कविता

             " हृदयाच्या  सम्राटाला , हृद्य  सलामी  ! "
             ------------------------------------

सांभाळली  कित्येकांची  हृदये  आजवर
जपल्या  अनेकांच्या  भावना  खोलवर
चटका  हृदयाला  लावुनिया  गेला ,
सम्राट  हृदयाचा  पराधीन  झाला .

नियतीचा  खेळ  कैसा  अजब
सहस्त्रानी  परतविले , हस्तातले  कसब
तयाचेच  हृदय  छेदून  गेला ,
काळ  कठोर  पारखून  गेला .

सृजनकर्ता  ऐसा  तो  सर्जन
जीवनदाता  ऐसा  तो  सज्जन
खेळ  परी  तयाचा  अधूराच  राहिला ,
डाव  अर्ध्यावरतीच  मोडुनिया  गेला .

नाही  आजवरी  ऐसा  पाहिला
सेवा -धर्म , कर्तव्ये  वाहिले  जीवनाला
नाम  तुझे  हृदयी  कोरून ,
हृद्य  भावनांची  श्रद्धांजली  तुजला .


-----श्री अतुल एस परब(अतुल कवीराजे)
-----दिनांक-28.06.2021-सोमवार.