कलाकृती कविता - "गुलाबांची रांगोळी मी रेखिते"

[Atul Kaviraje]

 मित्र/मैत्रिणींनो,

    एकदा एका रमणीने  एक अत्यंत सुबक सुंदर रेखीव अशी  रांगोळी  काढली  होती हि  नेहमीची  सफेद रांगोळी नव्हती  बर  का ! तर  ती  होती  रक्त - वर्णीय  मोहक  सुगंधित  गुलाब  पुष्पांची.  ऐकुया  तर  हि  अनोखी  रांगोळी  रेखित  असणाऱ्या  ललितेचे  रांगोळी  विषयीचे  मनोगत  तिच्याच  काव्य -शब्दांत. कवितेचे  शीर्षक आहे -  "गुलाबांची रांगोळी मी रेखिते"

                   "गुलाबांची रांगोळी मी रेखिते"
                   -------------------------

गुलाब पुष्पाची हि सुंदर मालिका
मी एकात एक गुंफिली
सुवासाची तयांच्या करीत बरसात,
मी तुम्हास ती नजर केली.

अंगणात  फुलांचा  मोहक  सडा  पडला
तुम्हासाठी  मी  तो सारा  एकत्र  बांधिला
स्वहस्ते  माझ्या  मग  रेखीव  रेखाटला,
अत्तर  मधुर  सुरभीत आसमंत  बुडाला.

लाल रक्त वर्णीय सुबक गोंडस
एकास झाकून दुसरीस उघडली
पहातच पडावे प्रेमात तयांच्या,
अशी रेखीव रांगोळी मी काढली.

-----श्री अतुल एस परब(अतुल कवीराजे)
-----दिनांक-30.06.2021-बुधवार.