वास्तव चारोळ्या - "शेतकरी दादाचे मनोगत"

[Atul Kaviraje]

                  वास्तव चारोळ्या

        रेल्वे रुळाकडील दुतर्फ़ा भाजी-वाफे
        "शेतकरी दादाचे मनोगत"- भाग-१
       -------------------------------

1)   सिमेंटच्या  जंगलात  कोठून  शेती
      मुंबईकर  शेतकरी  गप्प  का  राहील  ?
      रेल्वे  रुळांकडील  दुतर्फ़ा जमिनीत,
      तो  सुपीकतेचे  स्वप्न  पिकवील  !

2)   गावाकडे  राबतोय  माझा  शेतकरी दादा
      येथला  मुंबईचा  मी  बंधू  बंदा
      त्याचे  स्वप्न  पूर्ण  करतोय,
      लहान -लहान  वाफ्यात  भाजी  पिकवतोय .

3)  आत्महत्त्या  मनास  शिवूही  नकोस
     तुझा  मुंबईकर  बंधू  आहे  खंबीर
     रेल्वे  झालीय  आमचेवर  मेहरबान,
     शेतीचे  मुबलक  दिलंय  तिने  परिमाण .

4)  मेहनतीने  पोट  मुंबईत  भरते
     काम  करण्याची  हवी जिद्द
     रेल्वे  मंडळाने  दिलीय  आम्हा  जागा,
     जिला  नाही  सीमा , नाही  हद्द .

5)  लहान  असलो  तरी  आहोत शेतकरी
     छोट्या  शेतीत  करतोय  मजुरी
     शेतातच  करून  वास्तव्य  आम्ही,
     मळ्यात  फुलवतोय  हिरवीगार  तरकारी .


-----श्री अतुल एस परब(अतुल कवीराजे)
-----दिनांक-03.07.2021-शनिवार.