चारोळ्या पावसाच्या - "छत्री" - भाग-२

[Atul Kaviraje]

                     चारोळ्या पावसाच्या
                      "छत्री" -  भाग-२
                     ----------------

1)  श्रावण-सरी भरून सरल्या
     ऊन -सावलींसवे खेळत राहिल्या
     अविरत ,अविश्रांत शीतल जल-धारांनी,
     ओल्या छत्रीच्या किनारी वाहिल्या .

2)  ओघळ वाहणे ,छत्रीच्या कडेने
     मला  पाहणे  नेहमीच  आवडते
     हलकेच घेणे ,ओंजळीत तुषारांचे,
     शीतल  गारव्याचे  देणे  देते .

3)  मला  माहिताहे  मी  भिजणार
     छत्री  नुसती  नावालाच  असते
     असा  आपलासा  ऋतू  आहे,
     भिजणे आबाल-वृद्धानाही आवडते .

4)  पाऊस  पडतोय  बाहेर  बदा-बदा   
     परगावी  गेलेत  करण्या  धंदा
     परततील अतुल-राव वाट पहाते,
     छत्री  धरून  त्यांची-मी  यंदा .

5)  रंगी -बेरंगी सुंदर नवीन नक्काशीदार
     तलम  छत्र्यांनी  भरलाय  बाजार
     कृष्ण-सुती  छत्री  मजला  प्यारी,
     सोबतीण  वर्षानुवर्षे  पावसाला आधार .


-----श्री अतुल एस परब(अतुल कवीराजे)
-----दिनांक-10.07.2021-शनिवार.