वास्तव चारोळ्या - "कचरा सफाई कर्मचाऱ्याचे मनोगत"-भाग-१

[Atul Kaviraje]

                      वास्तव  चारोळ्या

                रेल्वे  रूळांवरचे  कचरा -वेचे
          "कचरा सफाई कर्मचाऱ्याचे मनोगत"-भाग-१
          -------------------------------------

  1) रेल्वे  रूळच  आमचे  घर
      रेल्वे  परिसर  कार्याचे  द्वार
      रूळ  धावताहेत  जोवर  समांतर,
      आमच्या  कामाला  नाही  अंतर .

2)   नाही  काम  कोणतेही  कमी
      उदर  निर्वाहास  ते  आलेय  कामी
      स्वच्छताही  जातेय  राखली  दर -रोज,
      सुंदर  मुंबईचे  स्लोगन  नामी .

3)   पाठीवर  गोणी , हाती  खुरपणी
      आली जरी जगात कोणतीही आणि -बाणी
      वेचायचे  कार्य  चाललेय  अथक,
      अडथळा  आणू  शकत  नाही  कोणी .

4)   मुंबईस  आलो  नोकर  भरतीस
      पण  शिक्षण  पडले  अपुरे
      काहीही  करा  पोट  भरते  येथे,
      मुंबई  आम्हा  नवं -जीवन  देते .

5)   सतत  वाकून  कंबर  झालीय  ढिली
      वेचून  कचरा  हातही  झालेत  घट्ट
      माय -बाप  रेल्वेने  दिलीय  संधी  चाकरीची,
      कष्टावाचून  नाही  भरत  खळगी पोटाची . 


-----श्री अतुल एस परब(अतुल कवीराजे)
-----दिनांक-12.07.2021-सोमवार.