तुला निरोप देताना

[Sanjay Makone]

खालील कविता ही एखाद्या प्रिय व्यक्तीला आपल्यापासून दूर जाताने किवा निरोप देताना मनाची जि उलघाल होते ती मांडण्याचा प्रयत्न करत आहे


                   तुला निरोप देताना

                     तुला निरोप देताना
                     जरासा वाराही मंद झाला,
                     थरारल्या सावल्या
                     अन डगमगल्या बाहुल्या.

                     तुला निरोप देताना
                     स्तब्ध झाली शब्द,
                     ओस पडली राणे
                     अन दाही दिशांची वने.

                      तुला निरोप देताना
                      पाझरल्या पापण्या,
                      पडल्या भिंतीनाही चिरा
                     अन आटला तो झरा.

                     तुला निरोप देताना
                     मुक्या झाल्या त्या वाटा,
                     पुन्हा भेटशील का तू 
                     घेऊन आठवणींचा साठा...  घेऊन आठवणींचा साठा..
                                                                                Sanjay Makone
                                                                                   9623949907

[Atul Kaviraje]

     संजय सर, " तुला निरोप देताना ", या विरह-कवितेतून, आपण विरहाचे तराणे प्रस्तुत केले आहे, जे अगदी समर्पकच आहे. अनेक उदाहरणासह आपण या निरोपाच्या कवितेची सुंदर व्याख्या केली आहे. एखाद्या जिवलग व्यक्तीचा विरह होताना, तिला  निरोप देताना मनाला होणारी वेदना, व्यथा, आपण उत्तम रीतीने या विरह-कवितेतून मांडण्याचा प्रयत्न केला आहे, जो स्त्युत्यच आहे.


     जितक्या प्रेम कविता आपल्याला स्फुरतात, त्याच्यापेक्षाही कित्येक पटींनी जास्त या विरह कवितांचे प्रमाण आहे. कारण जगात, जीवनात  सुखापेक्षा दुःखेच जास्त आहेत, किंबहुना असे म्हणता येईल, सुख नाहीच, दुःखेच आहेत, सुख फक्त मानण्यावर आहे. असो, कविता आवडली.


     तुला निरोप देताना
     दोन आसवे टपटपली 
     डोळ्यांनाही नकळतच,
     मनाची वेदना कळली.

     तुला निरोप देताना
     ओठ होते निशब्द
     बोलायचे होते काहीतरी,
     भाव होते स्तब्ध.

     तुला निरोप देताना
     मनाची होती घालमेल
     एक परतीची आस,
     भेटणे केव्हा जमेल ?

-----श्री अतुल एस परब(अतुल कवीराजे)
-----दिनांक-17.07.2021-शनिवार.

[Sanjay Makone]

आदरणीय अतुल सर,
आपण दिलेल्या प्रतिक्रियेबद्दल मनापासून धन्यवाद .
आपण या विरह कवितेच्या माध्यमातून मला जे काही सांगायचे होते ते अगदी अचूक जाणले
व त्याला समर्पक असी आपली विरह कविताही लिहिली
खूपच सुंदर असी शाब्दिक मांडणी आपण केलीत.आपले पुन्हा एकदा मनापासून आभार
धन्यवाद.......