भूक दर्शनाची

[शिवाजी सांगळे]

भूक दर्शनाची


पांडुरंग दर्शनाची लागली भक्तांना भूक
कसे जावे भेटीस मनी कोरोनाचा धाक

थकून गेले तनीमनी किती करावा धावा
कहर महामारीचा आता तुम्ही आवरावा

ओढ वारीची देवा लागली आम्हा भक्तां
सांगा तुम्ही देवा काय करू आम्ही आता

असूनही रे वास तुझा, चराचरी जगताना
लोटलाय काळ मोठा, येऊ दे तुज दर्शना

कृपावंत माऊली तुच अवघ्या विश्वाची
घ्यावी काळजी तुम्ही थकल्या भक्तांची


©शिवाजी सांगळे 🦋papillon
 संपर्क: +९१ ९५४५९७६५८९