बालगीते आणि बडबड गीते - "अ आ आई, म म मका"

[Atul Kaviraje]

मित्र/मैत्रिणींनो,

     बालगीते आणि बडबड गीते, या विषया अंतर्गत प्रस्तुत आहे माझे पहिले पुष्प. या गीताचे बोल आहेत-"अ आ आई, म म मका"


                                 पुष्प पहिले
                          "अ आ आई, म म मका"
                         ------------------------

                                   
अ आ आई, म म मका
मी तुझा मामा दे मला मुका.

प प पतंग आभाळात उडे
ढ ढ ढगांत चांदोमामा दडे
घ घ घड्याळ, थ थ थवा
बाळ जरी खट्याळ, तरी मला हवा.

ह ह हम्मा गोड दूध देते
च च चिऊ अंगणात येते
भ भ भटजी, स स ससा
मांडीवर बसा नि खुदकन हसा.

क क कमळ पाण्यावर डुले
ब ब बदक तुरुतुरु चाले
ग ग गाडी झुक झुक जाई
बाळ माझे कसे गोड गाणे गाई.

          ====================
              गायक -     मन्ना  डे
              चित्रपट -    एक  धागा  सुखाचा
              संगीत -      राम  कदम
              गीतकार -   मधुसूदन  कालेलकर
          ====================

     (साभार आणि सौजन्य - आठवणीतील गाणी - मराठी बालगीते)
    --------------------------------------------------------


-----संकलन
-----श्री अतुल एस परब(अतुल कवीराजे)
-----दिनांक-25.07.2021-रविवार.