खरंच काही कळतं नव्हतं

[Vaibhav D Patil]

मनामध्ये होतं जसं                 
तसं काही मिळत नव्हतं           
डोळ्यापुढे मोठा शुन्य             
खरचं काही कळतं नव्हतं         

ताटामध्ये अन्न होतं                   
पण घशाखाली गिळत नव्हतं     
अंगाची ही झिज झाली             
खरचं काही कळतं नव्हतं           
                                           
परत त्या रस्त्याच्या दिशेने
पाय माझं वळतं नव्हतं                             
धमक सारी गेली होती
खरचं काही कळतं नव्हतं

चेहऱ्यावरती हसू आणलं
पण दुःख काही मरत नव्हतं
कुठे हरवलो होतो मी
खरचं काही कळतं नव्हतं

अंधार खुप झाला होता
पुढचं काही दिसतं नव्हतं
चंद्र कुठे गेला होता
खरचं काही कळतं नव्हतं

लगाम नवी लावली होती
पण घोडं माझं पळतं नव्हतं
मिळेल मदत मला कुणाची 
खरचं काही कळतं नव्हतं

पण,
वाट अवघड झाली म्हणून
असं थांबून चालणार नव्हतं
मीच माझं नशीब लिहणार
आता मला कळलं व्हतं

                                          -वैभव