वीज-चोरी, हास्य - चारोळ्या-"वीज चोरून मी खोली प्रकाशतो"

[Atul Kaviraje]

                         वीज-चोरी, हास्य - चारोळ्या
                      "वीज चोरून मी खोली प्रकाशतो"
                                   (भाग-१)
                     ------------------------------
                                         

१)  सवय काही सुटत नाही
     व्यसन काही जात नाही
     खांबावरच्या विजेच्या नवीन तारांकडे,
     माझी वारंवार नजर जाई.

२)  माझी चर्चा आहे गावा-गावांत
     याला विजेचे बिल कसे येत नाही ?
     खरी गोम त्यांना काय ठाऊक,
     वीज-चोरीची हत्यारे सतत कनवटीस राही !

३)  नवे घर बांधलंय वीज-टौवरजवळ
     वर घर रंगवलंय सारे जवळ-जवळ
     भरपूर प्रकाशात न्हाऊन जाऊन,
     बिल मात्र येतंय नाम-मात्र केवळ.

४)  सरकारने बक्षीस ठेवलंय वीज-चोरावर
     पण चोर कधीच नाही सापडत
     हातावर तुरी देऊन पळण्यात मी माहीर,
     बहुधा माहीत आहे, झालंय ते जाहीर.

५)  वारसा माझी मुलेही चालवतात
     मला देऊन सहकार्य जोमाने
     अधिक चलाख आजची पिढी,
     पाने भरलीत, वीज-चोरीच्या आधुनिक शोधाने.


-----श्री अतुल एस परब(अतुल कवीराजे)
-----दिनांक-27.07.2021-मंगळवार.