भक्ती-गीत - "अनुसूयेच्या धामी आले त्रैलोक्याचे स्वामी"

[Atul Kaviraje]

मित्र/मैत्रिणींनो,

         एक भक्ती-गीत मी तुम्हांपुढे सादर करीत आहे. या गीताचे बोल आहेत - "अनुसूयेच्या धामी आले त्रैलोक्याचे स्वामी" , आणि याचे गायक आहेत - आर. एन. पराडकर .

                "अनुसूयेच्या धामी आले त्रैलोक्याचे स्वामी"
                -----------------------------------


अनुसूयेच्या धामी आले त्रैलोक्याचे स्वामी
आले त्रैलोक्याचे स्वामी.

गुलाल उधळा, उधळा सुमने
जयजयकारे घुमवा भुवने
पूर्णब्रह्म हे आले भूवर धर्मक्षरण्यकामी.

फुलाफुलानो सुगंध उधळा
विमल जलानो सहर्ष उसळा
पवन लहरींनो मंगल वार्ता कळवा ग्रामोग्रामी.

हाच सद्गुरू त्रैलोक्याचा
उद्धारक हा चराचराचा
हा योग्यांचा श्रीयोगेश्वर प्रभू हा त्रिभुवनगामी.


          ================
           । गीतकार : कवी सुधांशु । 
           । संगीतकार : विठ्ठल शिंदे । 
           । गायक : आर एन पराडकर I
          ================

     (साभार आणि सौजन्य-मराठी-आठवणीतील गाणी)
     -------------------------------------------


-----संकलन
-----श्री अतुल एस परब(अतुल कवीराजे)
-----दिनांक-28.07.2021-बुधवार.