II श्री गुरु देव दत्त II - "दत्तदिगंबर दैवत माझे"

[Atul Kaviraje]

                             II श्री गुरु देव दत्त II


मित्र/मैत्रिणींनो,

     आज गुरुवार, माझ्या दत्त-गुरूंचा वार. सादर करीत आहे  श्री सद्गुरुंचे एक भक्ती-गीत. याचे गीतकार आहेत श्री सुधांशु आणि संगीतकार आणि गायक आहेत - श्री आर एन पराडकर( रघुनाथ नारायण पराडकर) . या गीताचे बोल आहेत - "दत्तदिगंबर दैवत माझे"


                               "दत्तदिगंबर दैवत माझे"
                              ----------------------


दत्तदिगंबर दैवत माझे,
दत्तदिगंबर दैवत माझे,
हृदयी माझ्या नित्य विराजे.

अनसूयेचे सत्व आगळे
तीन्ही देवहि झाली बाळे
त्रैमूर्ती अवतार मनोहर,
दीनोद्धारक त्रिभुवनि गाजे.

तीन शिरे, कर सहा शोभती
हास्य मधुर शुभ वदनावरती
जटाजूट शिरि, पायि खडावा,
भस्मविलेपीत कांती साजे.

पाहुनि प्रेमळ सुंदर मूर्ती
आनंदाचे आसू झरती
सारे सात्विक भाव उमलती,
हळुहळु सरते मीपण माझे.


          ====================
             गीतकार :    श्री सुधांशु
             संगीतकार :  श्री आर एन पराडकर
             गायक :      श्री आर एन पराडकर
          ====================

           (साभार आणि सौजन्य - आठवणीतील मराठी गाणी)
         ----------------------------------------------


-----संकलन
-----श्री अतुल एस परब(अतुल कवीराजे)
-----दिनांक-29.07.2021-गुरुवार.