कर्तव्य -प्रामाणिक-चारोळ्या- "पेट्रोल-पंप कर्मचाऱ्यांचे मनोगत"

[Atul Kaviraje]

                   कर्तव्य -प्रामाणिक-चारोळ्या

                     "पेट्रोल -पंप" कर्मचारी
                "कर्मचाऱ्यांचे मनोगत"- (भाग - १)
                ----------------------------- 


1)   रीघ  लागलीय  पहा  वाहनांची
      घाई  प्रत्येकास  इंधन  भरण्याची
      उसंत  नाही  येथे  वार्ता -लापास,
      धून  कानी  शिरतेय  कटू  भोंग्याची .

2)   मुंबईतले  प्रत्येक  वाहन  थांबलेय
      ओळख  पटता  चिर -परिचित  झालेय
      इंधन  भरता  आपुलकीच्या  स्पर्शाने,
      ते  मला  आपलेसे वाटू  लागलेय .

3)   वाहनांची  रक्त -वाहिनी  आमचा  पेट्रोल -पंप
       जीव  लावून  आम्ही  सेवा  देतो
       वाहनांच्या  दिर्घआयुष्याची  कामना  करून,
       त्यांच्या  देखरेखीची  शपथ  घेतो .

4)   जीवन  आमचे  सारे  वाहिलेले
      कामास  येथील  जीव  लावलेले
      वाहनांची , वाहन -चालकांची  करून  सेवा,
      येथेच  रस्त्यावर  वास्तव्य  झालेले .

5)   पगार  जरी  असला  अपुरा
      आवडीने  हाती  घेतलंय  काम
      एक -जुटीने , एक-मताने  काम  करून,
      घरकुलच  झालेय  नाती  जपून .


-----श्री अतुल एस परब(अतुल कवीराजे)
-----दिनांक-31.07.2021-शनिवार.