प्रेम चारोळ्या - " नजर "- (भाग -१)

[Atul Kaviraje]

                          प्रेम चारोळ्या
                     " नजर "- (भाग -१)
                    -------------------     
 

१)  "नजरे"-"नजरे"च्या या बेरजेतून
     प्रेमाचा पाढा सुरु झाला
     मनामनाचे गणित जुळून आले अन,
     जीवनाचे समीकरण अवचित उकलले.

२)  अथांग दूरवर क्षितिज पसरलेले
     गूढ मनाचे नकळत उलगडलेले
     किमया साध्य सारी "नजरे"नेच,
     गुपित असे काहीच न उरलेले.

३)  "नजर" बावरी, हुरहूर लाविते
     हृदयात गोड धडधड वाढविते
     सजणाचे एकमात्र आठवणींचे पीस,
     अलगद, हळुवार तनूस थरकावते.

४)  सच्च्या मनाची ऐक हाक तू
     नाही करीत मी कोणताही बहाणा
     प्रेम ठासून भरलेल्या अंतःकरणातून,
     स्वीकार माझ्या "नजरे"चा "नजरा"णा.

५)  सुमनांचा होतोय वर्षाव "नजरे"तून
     गोड कुणीतरी कुजबुजतंय कानांत
     उर्मी अनोळखी ऊठतेय हृदयातून,
     काही अर्थ निघतोय का लाडके, यातून ?


-----श्री अतुल एस परब(अतुल कवीराजे)
-----दिनांक-01.08.2021-रविवार.