मल्हारी मार्तंडाचे भक्ती -गान-"यळकोट यळकोट जय मल्हार"

[Atul Kaviraje]

 मित्र/मैत्रिणींनो,

     "इतर  कविता"  अंतर्गत  मी  इतर  कवींच्या  कविता  आपणापुढे  सादर  करीत आहे . ही  कविता  एका  "अनामिक " कवीने  लिहिली असून , तिला स्वरबद्ध केले  आहे  - शाहीर  श्री  पुंडलीक फरांदे यांनी , आणि  या  कवितेचे ( वाघ्या -मुरली गाणे ), शीर्षक  आहे - "यळकोट यळकोट जय मल्हार". ऐकुया  तर हे  मल्हारी  मार्तंडाचे  भक्ती -गान .


                               इतर  कविता 
                                (क्रमांक -१)
                      "यळकोट यळकोट जय मल्हार"
                    -------------------------------

      
माझ्या कानड्या कानड्या मल्हारी,
गातो यळकोट मल्हारी कैवारी.

तुझ्या कानडं कानडंपणाला
बानू भाळली भाळली कोणाला
यावं भक्ताच्या भक्ताच्या वाड्याला,
देवा सोडावी सोडावी जेजुरी.

बानू देवाची देवाची आवडी
शेळ्या-मेंढ्यांच्या मेंढ्यांच्या परवडी
दह्या-दुधाच्या दुधाच्या कावडी,
घुसळण खातील खातील मंदिरी.

माझा देव हो देव हो झालाय येडा
लुटी धनगर-गावड्यांचा वाडा
असतील आपुल्या आपुल्या हो नडी,
या हो पावन होईल ही पिढी.

शिवराईत जागर मांडिला
वाघ्या-मुरळीनं भंडार उधळिला
दीपमाळ ही उजळावी वक्ताला,
हुईल आनंद यळकोट अंतरी.


           ==================
              गीतकार-अनामिक
              स्वर -    शाहीर पुंडलीक फरांदे
          ===================

  श्री सुजित बालवडकर यांनी हे भक्ती गीत दिनांक-०३.१२.२०१३, रोजी प्रकाशित केले.
      

           (संकलक -श्री  विशाल  नाईकवाडी)

   (साभार आणि सौजन्य-मराठीकविता .वर्डप्रेस .कॉम )


-----संकलन
-----श्री अतुल एस परब(अतुल कवीराजे)
-----दिनांक-01.08.2021-रविवार.